Monday, May 31, 2010

இங்கு கணவன்மார்கள் கிடைக்கும்

நான் ரசித்த ஜோக்:

சமீபத்தில் ஒரு ஊரில் ரிலையன்ஸ் ஃபிரெஷ் போல "கணவர்கள் ஃபிரெஷ்" என்ற சூப்பர் மார்கெட் ஸ்டோர் ஒன்றை திறந்தார்கள். அந்த ஐந்து மாடி கட்டிடத்தில் ஒவ்வொரு மாடியிலும் நிறைய கணவனாகும் அருகதை உள்ள ஆண்களை அலங்கரித்து வைத்து பெண்களை விட்டு சுயம்வரம் காணச் செய்தார்கள். மாடிகளின் தளம் மேல் செல்ல செல்ல நல்ல குணவான்கள் மற்றும் நிறைய நற்பண்புகள் வாய்க்கப் பெற்றவர்கள் நிரம்பியிருந்தார்கள். ஒரே ஒரு நிபந்தனை என்னவென்றால், மேலே மாடி ஏறி சென்றவர்கள் மீண்டும் கீழ் மாடியில் இருப்பவரை தேர்வு செய்ய முடியாது, இறங்கி வெளியே செல்ல வேண்டியதுதான்.


இரண்டு திருமணமாகாத பெண்குட்டிகள் நல்ல புருஷனை தேடிக் கண்டுகொள்வதற்காக அந்த அடுக்குமாடி விற்பனை கூடத்திற்கு சென்றார்கள். அவர்களின் ஐந்து மாடி அனுபவங்கள் கீழே...


முதல் மாடி:
கதவில் பலகையில் எழுதியிருந்த வாசகம்: "இந்த மாடியில் உள்ளவர்கள் வேலைக்கு செல்லும் மற்றும் குழந்தைகளை நேசிக்கும் ஆண்கள்" 
பெண்குட்டிகள்: "தேவலாம் குழந்தையை நேசித்து வேலைக்கு செல்லும் ஆண்கள் இருக்கிறார்கள், மேலே என்ன இருக்கிறது பார்க்கலாம்" என்று படியேறினார்கள் அப்பெண்கள்.


இரண்டாம் மாடி:
பலகை வாசகம்: "அழகான, குழந்தையை நேசிக்கும், நிறைய சம்பாதிக்கும் ஆண்கள்"
பெண்குட்டிகள்: "ம்...ம்... இன்னும் மேலே என்ன இருக்கிறது பார்க்கலாம்"

மூன்றாம் மாடி:
பலகை வாசகம்: "அழகான, குழந்தையை நேசிக்கும், நிறைய சம்பாதிக்கும், வீட்டு வேலை செய்யும் ஆண்கள்"
பெண்குட்டிகள்: "வாவ்... ரொம்ப ஆசையை தூண்டுதே... மேலே அடுத்த மாடியில் என்ன இருக்கு பார்க்கலாம்"

நான்காம் மாடி:
பலகை வாசகம்: "அழகான, குழந்தையை நேசிக்கும், நிறைய சம்பாதிக்கும், வீட்டு வேலை செய்யும், மன்மதக் கலை நன்றாக தெரிந்த ஆண்கள்"
பெண்குட்டிகள்: "ஐயோ... என்ன செய்யறதுன்னு தெரியலையே... இதற்க்கு மேலே ஐந்தாம் மாடியில் என்ன இருக்கும்ன்னு நினைச்சாலே... ஓஒ...ஆ ஆ....." 
என்று கூச்சலிட்டு சந்தோஷத்தின் உச்சக்கட்டங்களில்  படிகளில் ஏறி மேலே ஐந்தாம் மாடிக்கு ஓடினார்கள்.

ஐந்தாம் மாடி:
பலகை வாசகம்: "உங்களை திருப்திப் படுத்த முடியவே முடியாது என்பதை நிரூபணம் செய்வதற்க்காக இந்த மாடி காலியாக உள்ளது. உங்களது இடது கைப் பக்கம் வெளியே செல்லும் வழி உள்ளது. தயவு செய்து இடத்தை காலி செய்யவும்"

எப்புடி?

4 comments:

Madhavan said...

ha.. ha.. ha.....
Source ..? Sometime it's to ack. the source as a matter of 'courtesy'..

Anonymous said...

suuuuuppar..............

மங்களூர் சிவா said...

i already read it in different version that is also too good!

hope u also read that.

:))

cheena (சீனா) said...

அன்பின் ஆர்விஎஸ்

ஏற்கனவே படித்து ரசித்து மகிழ்ந்தது தான் - மறுபடியும் படிக்கப் பகிர்ந்தமைக்கு நன்றி
போதுமென்ற மனமே நமக்குத்தான் கிடையாதே

நல்வாழ்த்துகள் ஆர்விஎஸ்
நட்புடன் சீனா

ஆடிய பிற ஆட்டங்கள்

Related Posts with Thumbnails