Saturday, February 22, 2014

Reality Never Makes sense

நெற்றியில் விபூதிக் கீற்றும் கேரியரில் புத்தகப் பையுமாக சைக்கிளில் ட்யூஷனுக்குப் பறக்கும் யூனிஃபார்ம் பையன். கைலியும் கிழிந்த பனியனுமாய் காய்கறி மூட்டையை டாட்டா ஏஸிலிருந்து இறக்கும் பையன்.

சாம்பிராணி, ஊதுபத்தி, ஒரு ஜான் மல்லிப்பூ, கற்பூரத்தோடு அர்ச்சனைத் தட்டு விற்கும் கோயிலோரக் கடை. டாஸ்மாக் மூடியும் அடுத்த கதவிலிருக்கும் தட்டி திறந்திருக்கும் சரக்கு விற்கும் ’பார்’.

வெள்ளை அங்கியும் ஜெபமாலைக் கையுமாக டாலடிக்கும் ஷூக்காலோடு சர்ச்சுக்குப் போகும் ஃபாதர். பட்டையும் காவி வேஷ்டியும் மேலுக்குச் சட்டையில்லாமல் ருத்ராட்ச கழுத்தோடு வெறுங்கால் பாஸ்கர் குருக்கள்.

ஜாதி, மல்லி, ரோஜா, மரிக்கொழுந்து என்று கூடை நிறைய வாசனையாய்ப் பூ விற்கும் பொட்டில்லாத பெண். மங்களகரமாக ஒத்தை ரூபா குங்குமப் பொட்டோடு சம்பங்கி மாலை வாங்கும் தாடி வைத்த ஆள்.

கையால் பெடல் செய்து வண்டியோட்டி வீடுவீடாகப் பூ விற்கும் காலில்லாப் புனிதனொருவன். கர்லாக் கட்டை போல கையும் காலுமிருந்தும் பிள்ளையார் கோயில் வாசலில் விஸ்ராந்தியாக உட்கார்ந்து அதிகாரப் பிச்சையெடுக்கும் கடையனொருவன்.

நொடிக்கு நொடி காட்சிகள் மாறி மாறி கண் முன்னே நிகழும் போது ”The Genius & the Goddess"ல் Aldous Huxley எழுதிய "Reality Never Makes sense" என்கிற பதம் தான் நியாபகம் வருகிறது.

0 comments:

ஆடிய பிற ஆட்டங்கள்

Related Posts with Thumbnails