Tuesday, July 29, 2014

வானமழை நீயெனக்கு

சூரியனை மழை மேகங்கள் சுருட்டி பத்திரமாக வைத்திருந்தன. சிலுசிலுவென்று காற்றடிக்க வாக்கிங்கை ஆரம்பித்தேன்.

ஷூக்காலோடு வேஷ்டியில் நடக்கும் வாடிக்கை வேடிக்கை வாக்கர்.
டாமி வாயில் பேப்பர் கவ்வி தன் பின்னால் இழுத்துக்கொண்டு வரும் ரிடையர்ட் மாமா.
எதற்கோ சிரித்துக்கொண்டே பஸ் பிடிக்க ஓடும் இளங்காளை.
பாட்டுக் கேட்கவே காதுக்குள் ஓடும் வயரோடு ஜனித்தது போல ஒரு மாது.
அடுத்த பெருமழைக்குள் தப்பிக்கும் அவசரத்தில் வீடுவீடுவாக பேப்பர் எறிந்து கதவைத் தட்டிய கைலி கட்டிய பையன்.
கையெடுக்காமல் ஹாரனடித்துச் சென்ற ”சாலைப் போராளி” கல்லூரி பஸ் ட்ரைவர்.

ஓட்டமும் நடையுமாக வந்த காலை நடையில் இத்தனைக் காட்சிகளுக்கும் மேலாக காதில் ஒலித்துக்கொண்டே வந்தான் காதல் பாரதி.

வானமழை நீ யெனக்கு, வண்ணமயில் நானுனக்கு
பானமடி நீ எனக்கு, பாண்டமடி நானுனக்கு;
ஞானஒளி வீசுதடி நங்கை நின்றன் சோதிமுகம்

0 comments:

ஆடிய பிற ஆட்டங்கள்

Related Posts with Thumbnails