Tuesday, June 6, 2017

சுப்பு மீனு: பர்த்ருஹரி - இசை

"சுப்பு.. இன்னிக்கி கார்த்தாலயே ரொம்ப மூடா?"
"அதையேன் இப்ப கேட்கற? என்னோட இருபத்தேழாவது வயசுக்கு அப்புறம் 24x7x365 டேஸும் நான் மூடன் தான் மீனு... உன்னைக் கல்யாணம் பண்ணின்டுருக்கேனே..."
"அடேய் நிர்மூடா.. சிரிக்காதே... நா அந்த மூடான்னு கேட்கலை.. இங்கிலீஷ் moodஆன்னு கேட்டேன்"
"ஏம்மா மீனுக்குட்டி? இங்கிலீஷ்ல ஒரு மூடு.. தமிழ்ல ஒரு மூடு வருமா? மூடுக்கு லாங்குவேஜ் உண்டா? அதுக்கு இனம், மொழி, மதம் கிடையாதே டியர் "
"ச்சை... உன்னோட ப்ளேடு தொழிலை விடமாட்டியா?"
"சொல்லு கண்ணு..."
"பத்தியா.. குழைச்சுண்டு வாலை ஆட்டறே..."
"க்விக்கா சொல்லு.."
"இன்னிக்கி வண்டில போம்போது அழகன்ல 'மழையும் நீயே.. வெயிலும் நீயே.' பாட்டுக்கு எஸ்பிபி ஒரு பக்கம் கிறங்கடிச்சார்னா நீ ஒரு பக்கம் அபஸ்வரமா "ஊ..ஊ..ஊ"ன்னு கூடவே உருகினியே.. அதைக் கேட்டேன்.. ரொமான்ட்டிக் மூடான்னு... "
"ஆமா மீனு.. நீ வேணா பாரேன்.. தேவா... மரகதமணி.. வித்யாசாகர் இந்த மாதிரி ம்யூசிக் டைரக்டர்ஸ்ட்ட எஸ்பிபி 200% பர்சென்ட் டெலிவர் பண்ணுவார்.. ஏன்னா அவங்களோட பங்கு அம்பது பர்சென்ட் இருந்தாக் கூட அவரோட நெளிவு சுளிவுல.. கமகம்..சிரிப்பு.. வேஏஏஏஏஏஏஏதமான்னு .. பாட்டை நூறாக்கிடுவார். நம்பளை மூடாக்கிடுவார்..."
"நீ பெரிய சங்கீதாக்காரன்.. உனக்கு எல்லாமே அத்துபடியாக்கும்... பர்ஸென்ட்லாம் பேசற..."
"ரசிக்கத் தெரிஞ்சா போதும். கலைஞனாயிடுவோம்..."
"அச்சச்சோ.. கபால்னு பாலிடிக்ஸ்ஸுக்குப் போயிட்டியே.."
"அடிப்பாவி... கலையை ரசிக்கும் கலைஞனாயிடுவோம்...னேன்.. "
"யாருடா அந்தக் கலை.. குத்துக்கல்லு மாதிரி நான் இங்கேயிருக்கேன்...."
"நீ குத்துக்கல்லா இருக்கறதுனாலத்தான்... நான் மெத்து மெத்துக்கல்லா.... கலை... மெத்து...கலை... மெத்து.."
"டேய்.. கிராதகா... மொத்து உன்னை... "
"சரி..சரி.. பர்த்ருஹரி இசையைப் பத்தி ஒண்ணு சொல்லியிருக்கார்... யாரு பர்த்ருஹரின்னு கேட்காதே... அவரைப் பத்தி அப்புறம் பேசுவோம்..."
"என்ன சொல்லியிருக்கார் அந்த ஹரி?"
"இசையை ரசிக்கத் தெரியாதவர்கள் வாலும் கொம்பும் முளைக்காத விலங்கினங்கள்"
"ரசிக்கத் தெரிஞ்சும் வாலாட்டற ஒருத்தரை எனக்குத் தெரியும்"
"யார்னு நானே சொல்றேனே... ப்ளீஸ்... ப்ளீஸ்... "
"Confessions from a software guy....ஒத்துக்கோ... ஒத்துக்கோ... "
"உங்கப்பாதான்... அவருக்கு மானஸ சஞ்சரரே ரொம்ப பிடிக்கும்....சதா சர்வகாலமும் இசையென்னும் இன்ப வெள்ளத்தில் நீச்சலடிச்சுக்கிட்டிருந்தாலும் .... புலிவால் மீசையில உருட்டி மெரட்டிடுவாரே... அதான்.."
"ச்சீ.. ஒழிஞ்சு போடா...."

0 comments:

ஆடிய பிற ஆட்டங்கள்

Related Posts with Thumbnails