Tuesday, June 6, 2017

சுப்பு மீனு: இட்லி

”அம்மா தினம்...ஆயா தினம்...ஒண்ணு விட்ட தம்பி தினம்..தங்கை தினம்..சித்தப்பா தினம்...அத்தங்கார் தினம்...அம்மாஞ்சி தினம்...இப்படியெல்லாம் தினம் கொண்டாடலாம்.. இட்லி தினம் கொண்டாடக் கூடாதா சுப்பு?”
“நிச்சயமா.. நீ வேணுமின்னா சட்னி தினம் கூட கொண்டாடு மீனு... யாரு கேட்டா?”
”சட்னி தினமா? அசடு மாதிரி பேசுறியே”
“ஏன்.. நீ பண்ற சட்னியைச் சாப்பிட்டா.. சாப்பிடறவனுக்கே ”தினம்” கொண்டாடனுமோ?”
“மரண மொக்கை. சிரிப்பே வரலையே சுப்பு... வர்ற மார்ச் முப்பது இட்லி தினமாம்.. இருவத்தி ஒம்பாதாம் தேதி சாயங்காலம் அஞ்சுலேர்ந்து ராத்திரி பத்து மணி வரை ராஜா அண்ணாமலை மன்றத்துல 2500 வகை இட்லியாம்....”
“2500 ஈடு இட்லியா.. வகையா? சரியாச் சொல்லு மீனு டியர்...”
“2500 ஈடு இட்லி பண்ணி.. மாயா பஜார் எஸ்.வி. ரங்காராவ் கூட சாப்பிடமுடியாது.. இது தினுசு தினுசா இட்லியாம்.. டிசையன் டிசையனாவும்... சுப்பு”
”சங்கதியைக் கேட்டாலே ஏப்பம் வருது.... இப்போ கண்ணை சொயட்டிக்கிட்டுத் தூக்கம் வருது.. முடிச்சுப்போம்..”

0 comments:

ஆடிய பிற ஆட்டங்கள்

Related Posts with Thumbnails